# ليزانتيغراسيون

> ربط Gmail، Google Drive، Outlook، Slack وتطبيقات خرين ب MoroccanZ AI باش المساعد يقدر يقرا ويخدم فيهم، بالموافقة ديالك.

ليزانتيغراسيون كيربطو التطبيقات اللي كتخدم بيهم، باش المساعد يقدر يخدم فيهم من أي تشات.

## كيفاش تربط تطبيق

حل **ليزانتيغراسيون** فالسايدبار. التطبيقات مقسمين ل ديال كل نهار، التواصل والتشات، إبداع، البيزنس وديڤلوپمون. ورك على **ربط** ودخل للتطبيق فالفنيطرة ديالو؛ MoroccanZ عمرها ما كتشوف كلمة السر ديالك فيه. البلان ديالك هو اللي كيحدد شحال من تطبيق تقدر تربط، و**طلب أداة جديدة** كيطلب تطبيق ما كاينش فاللائحة.

## شنو يقدر يدير المساعد

- **القراية** كتدوز بلا ما تسولك: يقلب فالإيميلات ديالك، يحل فيشي ف Drive، يجبد المواعيد ديال الكالوندري.
- **أي حاجة كتصيفط، كتنشر، كتبدل ولا كتمسح كتسنا حتى تورك على وافق.** **سمح ديما** كيحيد هادشي لتطبيق واحد. انت المسؤول على الإجراءات اللي كتوافق عليها.

كل تطبيق عندو سويتش، يعني انت اللي كتختار شمن تطبيقات يقدر يخدم بيهم التشات. التطبيق اللي تربط من MoroccanZ Future، باش تصيفط الطلبات ولا تخلي الـ CV، كيبدا طافي فالتشاتات.

## أمثلة

```text
قلب على الإيميل اللي جا من الفاك على التواريخ ديال الامتحانات وزيدهم فالكالوندري ديالي.
```

```text
دير ليا ملخص ديال الـ PDF اللي سميتو "Business plan v3" فالـ Drive ديالي ف خمس نقط.
```

```text
وجد ليا رد على آخر إيميل جاني من ياسمين، بالفرنسية، وورّيه ليا قبل ما تصيفطو.
```

---

اللي قبل: [البروجيات والنوطبوك](https://docs.moroccanz.org/ary/projects.md)

اللي بعد: [الموديلات](https://docs.moroccanz.org/ary/models.md)

llms.txt: https://docs.moroccanz.org/ary/llms.txt
